Gindayaw ni Iloilo City Mayor Jerry Treñas ang pagkumpiskar sang otoridad sang P816 million nga ginapahayag shabu sa Calapan Port, Oriental Mindoro nga nakatalana kuntani dal-on sa Iloilo City.
Ang suspek amo si alyas Christopher, 43-anyos, truck driver kag residente sang Oton, Iloilo.
Gindakop ang driver sang salakyan nga amo ang may karga sang ginapatihan iligal nga droga nga nasulod sa maleta kag bag.
Sa interview sang Bombo Radyo kay Mayor Treñas, iya ginpahayag nga ang hitabo ang isa ka ‘urgent’ nga panawagan agud nga pasangkaron ang security kag intelligence operations sa syudad.
Suno kay Treñas, gina-abi-abi sini ang efforts sang Philippine National Police (PNP) kag Philippine Drug Enforcement Agency (PDEA) nga nagpanguna sa operation.
Ginpahayag man sang alkalde nga dapat padalman ang imbestigasyon agud matumod ang mga indibidwal nga posible involve sa iligal nga aktibidad.
Nagapati man ini nga ang shipment sang iligal nga druga ang nagapakita sang dako nga drug syndicates nga mahimo naga-operate sa syudad.
