Ginkasubo ni Iloilo City Mayor Jerry Treñas ang pag-suspend sang US Agency for International Development (USAID) sang ila projects sa Iloilo City.
Ini kasunod sang 90-day pause ukon suspension sang foreign aid sang Estados Unidos sa Pilipinas.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga isa ang syudad ang may dako nga proyekto nga nakuha halin sa US Agency for International Development.
Lakip na diri ang Climate Resilient City Project kag ang pagkoordinar sa urban areas sang syudad.
Apisar sini, nagalaum sa gihapon ang alkalde nga mapadayon ang amo nga mga proyekto bangud ang iban ang manogtapos na.
Suno kay Fantilaga, naghatag sang dako nga role ang USAID sa syudad ilabi na sa health, edukasyon, kag urban development.
Nahibaluan nga nag-untat hatag sang foreign aid ang Estados Unidos pagkatapos nga nagmando si US President Donald Trump nga repasuhon kon ang alokasyon sang bulig nagasanto sa iya foreign policy.
