ILOILO CITY- Nakalab-ot na kay Iloilo City Mayor Jerry Treñas ang impormasyon tuhoy sa isa ka pasyente nga nagdugang sa listahan sang mga nagpositibo sa coronavirus disease 2019 sa syudad sang Iloilo.
Sa exclusive interview sang Bombo Radyo kay Treñas, iya ginpahayag nga ginapasiguro niya sa mga pumuluyo sang syudad nga ang nagapositibo ang ma-isolate sa gilayun agud indi na makalaton pa sa iban nga pumuluyo.
Suno kay Treñas, nakahibalo na siya kun sa diin nga barangay nagapuyo ang pasyente kag gilayun man nga magapatigayun sang contact tracing sa mga nakaclose contact sang pasyente.
Nahibaluan nga ang nasambit nga Covid-19 positive patient ang nagikan sa distrito sang La Paz kag ikalima nga nagpositibo sa syudad sang Iloilo.
