Gintugyan ni Iloilo City Mayor Jerry Treñas kay Iloilo City Lone District Representative Julienne “Jam-jam” Baronda ang proyekto nga ginatukod sa Jalandoni Memorial National High School.
Sa interview sang Bombo Radyo kay Mayor Treñas, iya ginpahayag nga tuyo sini kontani nga i-develop ang eskwelahan agud mangin isa ka sports center.
Suno kay Treñas, sang updanay pa sila ni Baronda, naghayo ang mamalidha nga siya na lang ang matapos sang proyekto.
Ginpahayag man sini nga kon may pondo ang syudad, balikan sini ang proyekto sa amo nga buluthuan agud nga matapos bangud kinahanglan ini sang pamatan-on.
Gintumod man sang alkalde nga target niya subong nga pagatukoran sang poryekto amo ng YMCA agud mangin sports facility bangud mas malapit ini sa mga pumuluyo.
