ILOILO CITY – Ipatuman ni Mayor Jerry Treñas ang istrikto nga curfew kag pagbantay sa syudad sang iloilo.
Ini may kaangtanan sa mga nagluntad nga sunod- sunod nga rambol kag aksidente.
Sa interview sang Bombo Radyo kay Mayor Treñas, iya ginpahayag nga naghatag na siya sang instruction sa Philippine National Police nga dugangan ang ila mga tawo sa pagbantay.
Kaangot sini, magapagwa man ang alkalde sang executive order nga tubtob nalang alas 8 sa gab-i ang mga menor de edad nga mahimo makagwa sa ila balay.
Naghingyo man ang alkalde sa mga ginikanan nga bantayan ang ila kabataan bangud yara sa ila nakadepende ang bwas damlag sang mga ini.
