Nagpasalig si Iloilo City Mayor Jerry Treñas nga magabalik ini sa Iloilo City sa una nga semana sang Disyembre.
Sa interview sang Bombo Radyo kay Mayor Treñas, iya ginpahayag nga kon matapos ang iya ika-duha nga operasyon, kinahanglan pa sini nga magpahuway sang duha tubtob tatlo ka semana.
Suno kay Treñas, magalawig sang tatlo tubtob apat ka oras ang iya nga operasyon.
Nagpasalamat naman ini sa iya nga pamilya sa pagpadulong sa Manila agud nga bulos-bulos nga magbantay sa iya.
Nagpabutyag naman ang alcalde nga padayon ang iya nga pagpangamuyo sa iya mga kaupdanan sa Team Uswag.
Ginhatagan man sini sang kredito ang kabug-usan nga empleyado sang Iloilo City Government bangud sa ila wala naga-untat nga pagpanikasog agud nga mapasanyog ang syudad sang Iloilo.
