Iloilo City – Magapatawag si Mayor Jerry Treñas sang pagsinapol kaupod ang mga transport groups para diskusyunan ang problema sa kontrobersyal nga Ungka flyover.
Sa interview sang Bombo Radyo kay Raymuno “Boyet’ Parcon, Presidente sang Iloilo City Loop Alliance of Jeepney Owners and Drivers Association, iya ginpahayag nga ang pagsinapol ang paagi agud mabatian ang ginareklamo sang mga drivers nga huol sa trapiko tuga sang wala nga nakay-o nga flyover.
Suno kay Parcon, nagapenitensya ang mga drivers tuga sang traffic amo man ang pagbuhin sang trips bangud sa ginapahayag nga delay sa biyahe.
Nagalaum si Parcon nga mabatian sang alkalde ang ginareklamo sang mga drivers.
Magatambong man sa nasambit nga pagsinapol ang Land Transportation Office, Land Transportation Franchising and Regulatory Board, kag Department of Public Wokrs and Highways.
