Nagdeklara si Iloilo City Mayor Jerry Treñas sang hugot nga pagpakig-away batok sa street crimes lakip na sa basag-kotse syndicates.
Sa interview sang Bombo Radyo kay Treñas, iya ginpahayag nga naghatag na siya sang mandu sa kapulisan sang Iloilo City Police Office (ICPO) lakip na sa Iloilo City Traffic Management Unit (ICTMU) agud nga pasangkaron ang pagpatrolya sa pila ka dalan sang syudad.
Naghatag man ang instruction ang natungdan sa Iloilo City Disaster Risk Reduction Management Office (CDRRMO) nga dugangan ang mga closed circuit television (CCTV) agud nga mas mabuhinan ang basag-kotse nga insidente.
Suno kay Treñas, nakigsapol man ang city government sa Bankers Association of the Philippines nahanungod sa pagtrabaho sang fiber optic lines agud nga makahimo sang system nga mas mahapos makakonekta ang tanan nga mga CCTV lakip na sa mga bangko kag atm machines.
Plano man nga dugangan ang mga CCTV sa Esplanade bangud may mga porsyon nga medyo madulom kag wala sang mga tawo.
(ESPLANADE 333)
Nagtanyag man sang reward ang alkalde sa mga makadakop sang mga myembro sang basag-kotse.
