ILOILO CITY – Nagpahanumdom si Iloilo City Mayor Jerry Treñas nga responsibilidad sang mga manugpatigayon ang mga empleyado nga ginapasulod nila nga magtrabaho sa Iloilo City Hall.
Ini matapos ang pag-anunsyo sang alkalde nga indi na pagbatunon ang mga empleyado nga naangot sa illegal drug trade.
Sa interview sang Bombo Radyo kay Mayor Treñas, iya ginpahayag nga nagakadapat nga nahibal-an sang mga manugpatigayon ang kaayuhan sa kalainan antes magpasulod sang empleyado.
Nahibaluan nga una na nga nagpaandam ang alkalde nga nga wala ini sang may ibulig kun may madakpan nga empleyado sa drug buy-bust operation.
Ginpahayag dugang sang natungdan nga imbestigaran sini ang mga job hire kag regular employees bangud nagakinahanglan sang “system of accountability” ang opisina.
