ILOILO CITY – Nagpasalig si Iloilo City Mayor Jerry Treñas nga pangitaan sang paagi sang syudad agud nga mabuligan ang pamilya sa Bakhaw, Mandurriao, Iloilo City nga gin-harass sang grupo sang armado nga kalalakihan.
Sa interview sang Bombo Radyo kay Treñas, iya ginpahayag nga tun-an sang Iloilo City Social Welfare and Development Office kun ano ang sarang nga mabulig sang syudad.
Samtang, kasunod sang natabo, ginsapol niya si Iloilo City Police Office Director Police Colonel Joeresty Coronica upod sanday City Intelligence Unit chief Police Lieutenant Colonel Antonio Benitez, Jr. kag Police Captain Val Cambel, hepe sang Mandurriao Police Station.
Sa pagsinapol, nagmandu ang alkalde sa kapulisan nga pasangkaron ang police visibility sa lugar.
Base naman sa kuha sang closed-circuit television camera, safe man ang nasambit nga barangay suno sa alkalde.
