Nagprangka si Iloilo City Mayor Jerry Treñas nga wala ini nalipay sa nangin performance sang Metro Pacific Iloilo Water (MPIW) para sa mga kosumidor sini sa syudad.
Sa interview sang Bombo Radyo kay Ms. Joy Fantilaga, spokesperson ni Mayor Treñas, iya ginpahayag nga medyo naakig ang alkalde nga sa lima ka tuig nga pagserbisyo sang water utility, wala nila natungdan ang ila trabaho apisar sang minilyon nga investments sang syudad.
Suno kay Fantilaga, ginlaragway sang alkalde nga “indi enough” ang ila services kag luyag sang sini nga dapat long term ang solusyon.
Ginkumpara man sini ang performance sang water distributor sa power distributor nga MORE Electric and Power Corporation kon sa diin, mas nabatyagan sini ang serbisyo sang MORE Power.
Nahibaluan nga sa sulod sang lima ka tuig, nakaangkon ang MORE Power sang 13% nga compounded growth rate sa patag sang electricity demand.
