ILOILO CITY – Natigayon na nga makapasaka sang kaso nga cyber libel si Iloilo City Mayor Jerry Treñas sa City Prosecutor’s Office sa Hall of Justice.
Sa interview sang Bombo Radyo kay Treñas, iya ginpahayag nga posible pa madugangan ang kaso nga ginpasaka niya.
Suno kay Treñas, igapabilin na lang sini ang tanan nga legal nga pamaagi kag tikang sa iya nga abogado.
Wala naman sang may ginpangalanan ang alkalde kun sin-o ang ginpasakaan niya sang nasambit nga kaso.
Apang sa nagligad nga press conference, ginbuyagyag sini nga tatlo ka separado nga kaso ang iya ipasaka batok kay Provincial Information and Community Affairs Office head Mr. Nereo Lujan.
Ini amo ang cyber libel, civil case for damages, kag administrative case sa Civil Service Commission.
