Gin-athag ni Iloilo City Mayor Jerry Treñas nga wala sang deklarasyon sang holiday buwas nga adlaw, Pebrero 25, 2025 may kaangtanan sa pagdumdom sa 39th EDSA People Power.
Sa interview sang Bombo Radyo kay Mayor Jerry Treñas, iya ginpahayag nga importansya sang EDSA People Power ang pagdumdum sa mga nagsakripisyo sang kabuhi agud maangkon ang kahilwayan kasunod sang Martial Law.
Suno kay Treñas, isa ka culmination ang hitabo agud islan ang sistema sang pagpamalakad sang gobyerno.
Ginpahayag man sini nga padayon nga ginadumdom ang makasaysayan nga natabo sa EDSA.
Importante man para sa alkalde nga indi malipatan ang hitabo bangud ini ang naghatag sang demokrasya sa pungsod.
Ginklaro man sang natungdan nga indi siya magdeklarar sang holiday bangud wala sang pula sa kalendaryo.
Ginpunto man sini nga wala sang mandu nga ginpaguwa ang Malacañang sa pagdeklara sang holiday rason nga nagsunod man ini.
