Mayor Jose Espinosa III, ginkwestyon ang indi pagpirma sang finance committee sa CNA sang mga empleyado sang Iloilo City Government

ILOILO CITY–Ginkwestyon ni Iloilo City Mayor Jose Espinosa III kun ngaa subong lamang nga tuig wala ginpirmahan sang finance committee ang isa sa mga ginakuhaan sang pondo para sa Collective Negitiation Agreement (CNA) sang mga empleyado sang city government.
Sa interview sang Bombo Radyo kay Mayor Espinosa, iya ginpahayag nga may suspetsa siya nga ginapamulitika naman ini.
Makatilingalahan suno sa alkalde kun ngaa sang mga nakaligad nga tuig, ila man nga gingamit ang nabilin nga supplemental budget rason nga dalagko nga kantidad ang nabaton sang tagsa ka empleyado.
Nahibaluan nga aprubado na ang P10,000 nga CNA kag mahimo ma release subong nga semana sa mga empleyado lakip na ang P5,000 nga Productivity Enhancement Incentives.