Iloilo City – Nagpadala sang sulat si Iloilo City Mayor Jerry Treñas sa Cebu Pacific nga nagahingyo sang flight halin sa Iloilo – Hongkong & Singapore and vice versa.
Sa interview sang Bombo Radyo kay Treñas iya ginpahayag nga madamo sang mga residente sang Iloilo City ang naga-request sang direkta nga flight sa nasambit nga mga pungsod.
Suno sa alkalde, mabudlay para sa mga residente ang magbyahe nga nagakinahanglan sang connecting flight apang kun may direct flight, dako ini nga bulig para sa mga Ilonggo Overseas Filipino Workers agud makakinot sang kwarta.
Nagalaom si Treñas nga maaprubahan sang Cebu Pacific ang sulat bangud kahigayunan man ini agud mabuksan ang turismo para sa syudad.
