PAVIA, ILOILO – Magahatag sang padya si Pavia, Iloilo Mayor Luigi Gorriceta agud nga madasig nga madakpan ang suspek sa pagpatay sa assistant manager sang isa ka fast food chain sa Gonzaga St., Purok 4, Pavia, Iloilo.
Sa interview sang Bombo Radyo kay Police Major Fernand Limbungan, hepe sang Pavia Municipal Police Station, iya ginpahayag nga magalab-ot sa P100,000 ang igahatag ni Mayor Gorriceta sa makatudlo sa suspek.
Suno kay Limbungan, ila nga hulaton ang desisyon sang alkalde kag ila man nga id-idron ang ila mabaton nga impormasyon gikan sa mga informant agud nga masolbar ang kaso sa pagpatay kay Eira Jane Fabiaña, 22, sang nasambit nga lugar.
