Ginhatag na ni President Ferdinand Marcos Jr. ang Executive Clemency kay former Iloilo City Mayor Jed Patrick Mabilog.
Mismo ang kampo sang anay alcalde ang nag-anunsyo sang amo nga development.
Madumduman nga sang nagligad nga Septyembre 2024 sang nagpauli si Mabilog sa Pilipinas halin sa Estados Unidos matapos ang pila ka tuig nga pagpanago para sa iya seguridad matapos nalakip ang iya pangalan sa narcolist ni former President Rodrigo Duterte sang 2017.
May kaangtanan sa amo nga clemency, isa ka Thanksgiving Mass ang pagahiwaton sa las-10:00 subong nga aga sa Mabilog compound.
