ILOILO CITY – Wala gihapon makabalik sa trabaho si Iloilo City Mayor Jed Patrick Mabilog.
Gin-anunsyo ni Atty. Mark Piad, spokesman kag abogado sang alkalde, nga ginpalawig ni Mayor Mabilog sang isa ka bulan ang sick leave, ukon tubtob katapusan sang Oktubre.
Ginpahayag ni Piad sa interview sang Bombo Radyo nga nakaangkon sang komplikasyon sa ikaayong lawas ang alkalde bangud sa tuman nga stress.
Sa pamatyag sang alkalde, indi pa ini luwas kag ang kabuhi sang iya pamilya.
Una na ginpahayag sang kampo sang alkalde nga na-diagnosed nga may Type 2 diabetes ang city mayor.
Nagpamalibad gihapon si Atty. Piad nga magtuad kun sa diin karon si Mayor Mabilog.
Apang ginpanindugan nga indi gihapon mag-resign ang alkalde kag mabalik sa trabaho kun mag-ayo na ang kondisyon.
Una na ginpahayag ni Police Regional Office 6 director C/Supt. Cesar Hawthorne Binag nga mismo si Mabilog ang nagpakig-angot kay PNP chief Director General Ronald dela Rosa para sa iya seguridad.