ILOILO — Nagpabutyag si Lemery Mayor Oscar Villegas nga liwat ini nga magapa-eleher bilang alkalde sang banwa sang Lemery sa palaabuton nga 2025 elections.
Sa interview sang Bombo Radyo kay Villegas, iya ginpahayag nga may isa pa ini ka termino sa posisyon nga pagka-alkalde sang banwa sang Lemery.
Suno kay Villegas, tapuson sini ang ulihi nga termino bangud isa ini ka kahigayunan nga gintugyan kag ginsalig sang mga pumuluyo sa iya.
Ginpahayag man sini nga halos kompleto na ang ila nga line up apang siguraduhon pa sini nga nakaplastar ang tanan.
Nagpasalig man ini nga possible sa masunod nga mga binulan, plastado na ang iya mangin kaupod sa politika.
