ILOILO – Gin-athag ni Duenas, Iloilo Mayor Robert Martin Pama nga may yara siya sang nabaton nga invitation halin sa Duenas Central Elementary School para sa Alumni Homecoming sang nagligad nga Disyembre 21.
Ini ang baliskad sa impormasyon nga naguwa nga wala gin-imbitar ang alkalde sang school principal nga si Mr. Joseph Pretal rason nga ginpahalin ini sa pwesto.
Gintinguhaan sang Bombo Radyo nga makuhaan sang sabat ang alkalde sa patas nga pagwaragwag.
Suno kay Mayor Pama, wala ini sang ideya kun ginpahalin ukon ngaa ginpahalin ang principal.
Gin-athag sang alkalde nga wala siya naga-intra sa trabaho sang Department of Education.
