Ginatun-an ni Iloilo City Mayor Raisa Treñas ang temporaryo nga pag-lift sang persona non grata status batok kay Iloilo City District Engineering Office Officer-in-Charge Engineer Roy Pacanan.
Suno sa alkalde, ginahimo sang iya opisina ang pag-usisa kun sin-o ang nag-ubra sang orihinal nga deklarasyon.
Ginpanugyan man ni Treñas nga kun luyag ni Pacanan nga maklaruhan ang isyu kag ang iya pangalan, dapat ini magtambong sa Quad Committee hearing sang konseho.
Ginpabutyag niya nga bisan wala siya sang direkta nga papel sa deklarasyon, bukas ang oportunidad para kay Pacanan nga magpahayag sang iya sabat, ilabi na sa mga kontrobersyal nga proyekto sa flood control.
Ginpanindugan sang alkalde nga ang klaro nga ang transparency koordinasyon kag accountability ang kinahanglanon sa tunga sang lokal nga gobyerno kag national agencies.
Madumduman nga mismo si former Mayor Jerry Treñas ang nag-isyu sang executive order nga nagadeklarar kay Pacanan bilang persona non grata.
