Indi kumporme si Iloilo City Mayor Raisa Treñas sa reassignment ni Iloilo City District Engineering Office (ICDEO) Officer In Charge Engr. Roy Pacanan.
Ini matapos ginpapanaugan sang memorandum ni Department of Public Works and Highways (DPWH) Secretary Vince Dizon si Pacanan sa iya nga reassignment sa Regional Office sang DPWH 6.
Apisar naapresyar man ni Mayor Treñas ang tikang ni DPWH Sec. Dizon, apang luyag sini nga indi sa Region 6 ibutang si Pacanan.
Sa interview sang Bombo Radyo kay Joy Fantilaga Gorzal, spokesperson ni Mayor Treñas, iya ginpahayag nga dapat kun may ara sang accountability kag restoration sang public trust, wala ginabutang si Pacanan sa lugar nga may ara ini sang ginaatubang nga issue ukon reklamo.
Pahayag pa niya, posible nga may ara ini sa gihapon sang impluwensya kun igabutang siya sa regional office.
Suno pa kay Gorzal nga nagahingyo man ang alkalde nga i-reassign si Pacanan sa guwa sang region 6 kag nagpangabay man ini kay Dizon nga magdesignate na sang qualified nga persona agud pamunuan ang Iloilo City District Engineering Office (ICDEO).
 Officer In Charge Pacanan.){kind=link}