STA. BARBARA, ILOILO – Ginahulat pa ni Mayor Rema Somo sang Sta. Barbara, Iloilo ang resulta sang iya Reverse Transcription – Polymerase Chain Reaction (RT-PCR) test.
Ini matapos ang iya nga pag-angkon sang close contact kay Mayor James Esmeralda sang Igbaras, Iloilo nga may yara sang exposure sa isa ka COVID-19 positive sa nasambit nga banwa.
Sa interview sang Bombo Radyo kay Somo, iya ginpahayag nga mas nauna si Mayor Esmeralda sa pagpaidalom sa COVID-19 test kun ipaanggid sa iya.
Suno kay Somo, kun magnegatibo si Mayor Esmeralda, buot-silingon negatibo man siya sa nasambit nga virus kag mahimo na siya nga makaguwa sa ila balay santo sa panugyan sang doktor.
Ginpahayag ni Somo nga ang iya nga pagpaidalom sa home quarantine ang para man sa kaayuhan sang tanan kag agud nga makasigurado nga indi siya makatuga sang halit sa iban.
