ILOILO CITY- Nagpasalig si Miagao, Mayor Engineer Richard Garin nga gilayon magapatigayon sang rectification ang Department of Public Works ang Highways- Region 6 sa naguba nga seawall sa Guibongan, Miagao, Iloilo bangud sa mabaskog nga balod.
Sa interview sang Bombo Radyo kay Mayor Garin, iya ginpahayag nga siya mismo ang nagpakig-angot sa ahensya para gilayon i-repair ang seawall agud indi na maglala pa ang sitwasyon.
Wala naman nagapati ang alkalde nga substandard ang gin-gamit nga mga materyales rason nga naguba ang seawall.
Apang suno sa iya, bilang isa ka engineer, kun may makita gid man ini nga problema sa gin-gamit nga mga materyales, ipaliwat niya ini.
Una na ginpahayag sang mga residente nga tuman ka gamay kag malaka ang mga kabilya nga gin-gamit sa construction sang seawall.
Nahibaluan naguba ang seawall samtang nagapadayon pa ang construction sini.
Ginsuguran ang proyekto sang 2022 kag may kalabaon nga kapin 240 meters.
