TUBUNGAN, ILOILO – Lubos nga nagapasalamat si Mayor Roquito Tacsagon bangud sa madinalag-on nga Dugong Bombo 2020 nga ginpatigayon sa covered gym sang Tubungan, Iloilo.
Sa interview sang Bombo Radyo kay Tacsagon, iya ginpahayag nga apisar sang ginapangatubang nga pandemya, madamo sa gihapon ang nagpakigbahin sa bloodletting activity.
Suno kay Tacsagon, ang Local Governmnt Unit sang Tubungan ang nagapakigbahin sa nagkalain-lain nga bloodletting activity humalin sang 2010 agud nga makabulig sa mga nagakinahanglan sang dugo.
Ginpahayag ni Tacsagon nga kun tani, mangin halimbawa para sa tanan ang Dugong Bombo nga apisar sang krisis, kinahanglan sa gihapon magpangibabaw ang pagbuligay.
May kaangtanan diri, nagalaum ang alkalde nga mapadayon pa sa mga masunod nga tinuig ang partnership sang Local Government Unit sang Tubungan, Bombo Radyo Philippines kag sang Philippine Red Cross.
