ILOILO CITY — Gilayon gindala sa St. Paul’s Hospital diri sa syudad sang Iloilo ang alkalde sang Mina Iloilo matapos makabunggo sa puno sang Mahogany ang salakyan nga ginamaneho sini sa Brgy. Casalsagan Pototan, Iloilo.
Sa interview sang Bombo Radyo kay PSI Bonifacio Alabe, hepe sang Pototan PNP, naggwa sa inisyal nga imbestigasyon nga napiyongan ang alkalde samtang nagamaneho sang iya Ford Everest nga salakyan halin sa syudad sang Iloilo papauli na sa iya banwa sa Mina, Iloilo.
Wasak gid ang bumper sang salakyan kag naglupok ang duha ka mga airbags sini.
Nagaisahanon lamang si Grabato sa salakyan sini kag wala naman sang may naulamid pa sa amo nga aksidente.