ILOILO CITY – Balik Manila na ang actress-beauty queen nga si Bianca Manalo, matapos ang trahedya sa Sebaste, Antique kun sa diin nagkulob ang speedboat nga ginasakyan nila sang abyan nga si Ehra Madrigal kag sang iya boyfriend nga si Pandan, Antique Mayor Jonathan Tan.
Kahapon sang nagbalik sa Manila si Manalo.
Ginsaysay naman ni Mayor Tan kun paano sila naluwas.
Suno sa alkalde, tatlo ka dalagko nga balod ang sunod-sunod nga naghampak sa ila speedboat rason nga ini ang nagkulob.
Wala nila nasuksok ang dala nga life vests suno kay Tan.
Ginbilin niya nga nagapautaw-utaw ang mga kaupdanan samtang nagauyat sa speedboat.
Naglangoy sang duha ka oras kag tunga si Mayor Tan agud makapangayo sang bulig.
Suno sa alkalde, nagpangamuyo lang siya nga maluwas agud masalbar ang mga kaupdanan.
Upod nila suno kay Tan ang walo ka tuig kag 12-anyos nga bata.
Nahibaluan nga napatay ang pakaisa sang alkalde nga si Bennie Dable, sa amo nga trahedya.