ZARRAGA, ILOILO – Ginkakibot ni Zarraga, Iloilo Mayor John Tarrosa nga nakakuha sang low compliance sa Oplan hawan ang ila banwa.
Sa interview sang Bombo Radyo kay Tarrosa, iya ginpahayag nga santo sa iya ginpirmahan nga validation rating, nakakuha sang 95% ang clearing operations sa ila banwa.
Suno kay Tarrosa, nakibot siya bangud nga santo sa naka-post sa website sang Department of Interior and Local Government central office, isa ang banwa sang Zarraga sa mga lugar nga nakakuha sang low compliance.
Ginpahayag ni Tarrosa nga 95% lang ang rating sang Zarraga sa Oplan Hawan bangud nga padayon sa gihapon ang road construction nga nagatuga sang traffic congestion.
Sa pagkamatuod suno sa alkalde, ginpadasig niya ang pagtapos sang road construction agud nga indi man magtuga sang huol sa publiko.
Sa subong, ginpahayag sang natungdan nga iya anay usisaon kun nga-a lain ang data nga iya ginpirmahan ipaanggid sa data sang Department of Interior and Local Government central office.
