𝗜𝗟𝗢𝗜𝗟𝗢 𝗖𝗜𝗧𝗬 —Bukas si Iloilo City Mayor Jerry Treñas sa posibilidad nga makaupod niya dalagan sa 2025 elections si Former Iloilo City Mayor Jed Patrick Mabilog.
Sa interview sang Bombo Radyo kay Mayor Treñas, iya ginpahayag nga maayo man kung updanay sila sa pagpa-uswag sang siyudad.
Suno sa alkalde, wala man siya sang mahimo kon pilion naman sini mag-upod kay Iloilo Lone District Representative Julienne “Jam-jam” Baronda nga grupo.
Paathag ni Treñas, threatened siya kung sin-o man ang ipakontra sa iya sang ginpamangkot kung ano ang mabatyagan sini kung magkontra sa iya bilang alkalde si Former Mayor Mabilog.
Ginsaysay man ni Treñas nga anay niya ginpatawag sadto si Representative Baronda sa iya opisina para prangkahon sa mga nagakalatabo sa ila relasyon.
Kabahin sa mga rason nga ginbuyagyag ni Treñas sa indi nila nga maayo nga relasyon sang mamalidha, amo ang pagpakontra ni Baronda sa mga kandidato ni Treñas kag ang kagustuhan ni Dr. Julie Baronda nga kuhaon ang posisyon bilang Liga ng mga Barangay President.
Dugang pa sang natungdan, tani sadto pa sang Duterte administration nag nag-ubra sang tikang si Baronda kung gusto niya buligan si Former Mayor Mabilog.
