Ginpabutyag ni Iloilo City Mayor Jerry Treñas ang kadismaya sa Department of the Interior and Local Government (DILG).
Matandaan nga santo sa mensahe nga ginpagwa ni DILG Assistant Secretary Francisco Cruz sang Hulyo 13, ginapahayag nga posible ipaidalom ang Iloilo City kag Iloilo Province sa enhanced community quarantine (ECQ) umpisa sa July 16 tubtub 31.
Sa interview sang Bombo Radyo kay Mayor Treñas, iya ginpahayag nga sang naglupok ang nasambit nga impormasyon, wala nakatawag sa iya ang DILG agud magpahibalo.
Suno kay Treñas, nakibot na lamang siya nga madamo na ang nagapangayo sa iya sang opinyon may kaangtanan sa proposed quarantine classification.
Sa nakaandan suno sa alkalde, una sila nga mga local chief executive nga ginapahibalo may kaangtanan sa mga ipatuman nga quarantine classification apang sa subong, wala man lamang nagpahibalo ang DILG.
