Gin-athag ni Iloilo City Mayor Jerry Treñas nga wala sini ginabasol ang mga kandidato nahanungod sa ila mga posters nga nagalinapta sa Diversion Road, Mandurriao, Iloilo City.
Ini kasunod man sa pagpatigayon sang grand rally sang Alyansa para sa Bagong Pilipinas sang kampo ni President Ferdinand Marcos, Jr.
Sa interview sang Bombo Radyo kay Treñas, iya ginpahayag nga suportado sini ang linyada sang senatorial bets sang administrasyon ni Pres. Marcos.
Suno kay Treñas, gab-i mismo pagkatapos sang rally, gilayon nga nagpakig-angot ang Iloilo City Commission on Elections (COMELEC) sa General Services Office (GSO) agud nga ipakakas ang mga posters sa areas nga indi dapat pagbutangan.
Gintuad man sini nga gin-ubra sang city government ang nagakaigo nga lihok pagkatapos sang rally.
Nagpanugyan man ang alcalde sa GSO nga padayunon ang pagkoordinar sa COMELEC agud mapatuman sang matalunsay nga pagsulundan sa syudad.
