ILOILO CITY – Gin-nominate ni Iloilo City Mayor Jerry Treñas si Iloilo Governor Arthur Defensor, Jr. bilang bag-o nga chairperson sang Regional Development Council (RDC) sa Western Visayas.
Ini ang ginpahayag sang alkalde agud masigurado ang pagpasanyog sang ekonomiya kasunod sang pagtukod sang Negros Island Region (NIR).
Sa interview sang Bombo Radyo kay Treñas, iya ginpahayag nga kinahanglan na sang bag-o nga pinuno sang RDC bangud ang current chairman nga si Bacolod City Mayor Alfredo Benitez ang indi na mangin kabahin sang council kasunod sang pagseparar sang Negros Island sa Western Visayas.
Gin-ako man ni Treñas nga dako ang kontribusyon sang Bacolod City kag Negros Occidental sa Western Visayas partikular sa ekonomiya.
Nahibaluan nga si Treñas amo sa subong ang nagapungko bilang chairman sang Infrastructure Development Committee sang RDC-6.
