Ginakabalak-an ni Iloilo City Mayor Jerry Treñas ang sunod-sunod nga mga insidente sa syudad nga ginakaulamiran sang mga kabataan.
Sa interview sang Bombo Radyo kay Ms. Joy Fantilaga, sposkesperson ni Mayor Treñas, iya ginpahayag nga ini ang nagapakita lamang nga kinahanglan nga mas pasangkaron sang mga ginikanan kag barangay officials ang pagbantay sa mga menor-de-edad.
Suno kay Fantilaga, nagapanawagan ang alkalde sa tagsa ka ginikanan nga mas mangin vigilant sa pag-monitor sa ila kabataan ilabi na kon curfew.
Ginaduso man sang alkalde ang barangay officials nga mas pabaskugon ang pagpatrolya kag ang koordinasyon sa Philippine National Police agud mapasanyog ang curfew ordinance sa syudad.
