ILOILO CITY – Wala sang suspension sang klase sa syudad sang Iloilo sa pihak sang patigayunon nga Opening Salvo sang Dinagyang Festival 2020 buwas nga adlaw, Enero 10.
Sa interview sang Bombo Radyo kay Iloilo City Mayor Jerry Treñas, iya ginpahayag nga may yara sang klase apang mas makapaayo nga half day lamang bangud nga umpisa 1:00 sa hapon, siraduhon na ang mga mayor nga dalan sa City proper area.
Suno kay Treñas, iya nga ginatugyan sa tagsa ka Principal kag University administrator kun bala magakansela sang klase buwas nga adlaw.
Ginpahayag ni Treñas nga kun may yara sang transaksyon, mas makapaayo nga hingagawon ini sa aga agud nga indi mahul-an sa tion nga mag-umpisa na ang Opening Salvo.
