ILOILO CITY- Ginpasalamatan ni Iloilo City Mayor Jerry Treñas ang maayo nga hinimuan sang nagtaliwan nga anay director sang Department of the Interior and Local Government (DILG)-Iloilo City nga si Atty. Ferdinand Panes.
Sa interview sang Bombo Radyo kay Mayor Treñas, iya ginpahayag nga isa si Panes sa mga DILG directors nga nagtandog sa madamo nga barangay officials sa syudad bangud tuman ini ka aktibo sa hilikuton sang kabarangayan sa syudad.
Suno sa alkalde, kun madumduman niya, siya mismo ang naghingyo sadto nga i-assign sa syudad si Panes bangud abilidad kag ikasarang sini.
Nagalaum naman ang natungdan nga may makit-an man ang syudad sang kaangay ni Panes nga tampad gid sa iya katungdanan.
