𝗜𝗟𝗢𝗜𝗟𝗢 𝗖𝗜𝗧𝗬 — Ginhatagan ni Iloilo City Mayor Jerry Treñas 9.5 nga rating ang State of the Nation Address (SONA) ni President Ferdinand Marcos Jr. subong nga tuig.
Sa interview sang Bombo Radyo kay Treñas, iya ginpahayag nga nalipay ini sa ginhimu nga pagnindugan ni President Marcos Jr. sa issue sang West Philippine Sea kag pag-ban sang Philippin Offshore Gaming Operators (POGO).
Suno kay Treñas, “the best SONA” sa tanan nga nangin SONA ni Marcos ang gin-deliver sini kahapon nga adlaw.
Ginkabig man sang natungdan nga “isa ka makusog nga statement” sa bahin sang pungsod ang nangin pahayag ni Marcos kaangot sa West Philippine Sea.
Ginakalipay man sang alkalde sang nalawagan sang presidente ang Jalaur River Multipurpose Project Phase 2 sa banwa sang Calinog, Iloilo.
