Ginhikayan ni Iloilo City Mayor Jerry Treñas ang administrasyon ni former Mayor Jose Espinosa III.
Sa interview sang Bombo Radyo Iloilo kay Mayor Treñas, iya ginkadlawan ang administrasyon ni Espinosa may kaangtanan sa declogging vehicle nga ginbakal sang anay alkalde nga wala pa nagamit apang naguba na.
Suno kay Treñas, ginpakay-o naman ang nasambit nga salakyan sa Bacolod City apang tubtob subong wala pa ini nakabalik sa Syudad sang Iloilo.
Nagalaum naman si Treñas nga mabalik na ini sa syudad agud magamit sa pagsolbar sang problema sa baha kag barado nga mga drainage system sa Iloilo City.
Samtang, magapatawag naman ang alkalde sang pagsinapol upod sa Department of Public Works and Highways kag Iloilo City Engineer’s Office para maistoryahan ang problema sang baha sa syudad kag matunga sa duha ka talatapan ang pagpakaayo sang mga imprastraktura sa mga dalanon kag drainage system sa syudad.
