Ginkalipay ni Iloilo City Mayor Jerry Treñas ang nabaton nga sulat nga ginpadala ni Vice Mayor-elect “Love-Love” Baronda nga nagahingyo sang reconciliation meeting kay Mayor-elect Raisa Treñas-Chu.
Suno kay Mayor Treñas, mapadala man ini sang sulat bilang balos kag pahibaluon si Baronda nga naka-out-of-town si Raisa Chu kag wala pa ini naga-opisina sa Iloilo City Hall.
Ginpasalig man sang alkalde nga makalab-ot gid sa iya anak ang sulat ni Baronda.
Madumduman nga nagpaguwa sang pahayag ang utod ni Love-Love nga si Congresswoman Jam-Jam Baronda nga bukas gid ang ila kampo kun maghingyo ang kampo ni Treñas sang reconciliation.
Pahayag sang alkalde, ini ang isa ka sinsero nga tikang padulong sa pag-ayo kag pagpadayon nagikan sa pagbinahin-bahinay nga nakit-an sa politika sa syudad.
Naapresyar gid niya ang “spirit of unity and collaboration” sa pagpadala ni Baronda sang amo nga sulat para sa masunod nga alkalde nga nagatuyo sang sinsero nga pagp\akig-istorya para sa siyudad kag mga Ilonggos.
