𝗜𝗟𝗢𝗜𝗟𝗢 𝗖𝗜𝗧𝗬 —Ginkalipay ni Iloilo City Mayor Jerry Treñas sang nakita sini ang mga laragway sang iya mga anak nga si Iloilo City Councilor Miguel Treñas kag Raisa Treñas-Chu nga kaupod si former Iloilo City Mayor Joe Espinosa III.
Sa interview sang Bombo Radyo kay Mayor Treñas, iya ginpahayag nga wala ini sang ideya nga makigkita ang iya mga anak kay Espinosa kag nahibaluan lamang sini sang nakita niya ang mga litrato.
Suno kay Treñas, apisar nga may mga differences sa ila pamilya, malipay ini nga nawork-out sa gihapon sang iya anak.
Ginpahayag man sini nga mga mature kag may ihibalo na ang iya mga anak sa ila ginahimo.
Ginlaragway man sang alkalde ang relasyon sang iya mga anak kay Espinosa nga daw kaangay sang kape nga kinahanglan sang gatas kag kalamay.
Nagasalig man ang natungdan sa Filial maturity kag political maturity sang iya mga anak.
