𝗜𝗟𝗢𝗜𝗟𝗢 𝗖𝗜𝗧𝗬 — Ginklaro ni Iloilo City Mayor Jerry Treñas nga indi sini pagpahanugotan ang 81 ka mga estudyante sa isa ka section sang Senior High School program sang Fort San Pedro National High School.
Sa interview sang Bombo Radyo kay Treñas, iya ginpahayag nga pangitaan sini sang paagi agud nga indi magtingob ang amo nga numero sa isa ka section, kon sa diin, 40 lamang ang pahanugutan sini.
Suno kay Treñas, dugangan sini ang mga manunudlo sa amo nga buluthunan agud masigurado nga ma-cater ang mga estduyante nga nagasobra sa isa ka section.
Ginpahayag man sini nga santo sa mga report wala pa sang shortage sang classrooms sa syudad.
Tuyo man sang natungdan nga dugangan ang mga classrooms sa Lapaz National High School, apang sa subong, nagapabilin pa nga ginaproseso ang duta nga baklon sang city government agud pahamtangan sang dugang nga hulot.
Gin-ako man sang alkalde nga nagakinahanglan ang syudad sang dugang nga duta agud nga madugangan ang space sa tagsa ka mga eskwelahan sa Iloilo City.
