Ginklaro ni Iloilo City Mayor Jerry Treñas nga siya ang healthy kag wala sang ano man nga ginabatyag subong.
Sa interview sang Bombo Radyo kay Mayor Treñas, iya ginpahayag nga maayo gid ang kahimtangan sang iya nga ikaayong-lawas kag wala sang malain nga ginasuprer nga sakit.
Suno kay Treñas, luwas sa iya nga sinusitis nga anay na nga gin-operahan, wala naman siya sang ginaproblema subong sa iya nga bahin sang health.
Gintumod man sini nga may ginainom man siya nga bulong rason nga nagniwang ini.
Gin-ako man sang alkalde nga ang bulong nga iya ginainom amo ang para sa diabetes, rason man nga gakadulaan siya sang gana magkaon.
Ini ang nangin rason man agud nga mag-lose sang 20 pounds si Mayor Treñas.
