Ginkumpirma ni Iloilo City Mayor Jerry Treñas nga naghisugot sila sang iya kaalyado nga si Iloilo City Vice Mayor Jeffrey Ganzon nga indi ini magkampanya kay presidential bet Ferdinand ‘Bongbong’ Marcos Jr. sa Iloilo City.
Nahibaluan nga apisar magkaalyado, apang si presidential bet Vice President Leni Robredo ang ginasuportahan ni Treñas kag si Marcos naman ang ginasuportahan ni Ganzon.
Sa interview sang Bombo Radyo kay Treñas, iya ginpahayag nga nagsunggod ang iban nila ka mga political leaders bangud lain ang kandidato nga ginasuportahan ni Ganzon.
Suno kay Treñas, ginpanindugan sa iya ni Ganzon nga si Marcos ang iya suportahan bangud mag-abyan na ang ila pamilya antes pa man ang Martial Law.
Apang suno sa alkalde, indi niya luyag nga magsalangisag ang ila mga political leaders sa Iloilo City rason nga ginpanugyanan niya si Ganzon nga indi magkampanya kay Marcos sa syudad.
Kun ipamilit naman ni Ganzon nga magkampanya para may Marcos sa syudad, wala na sang may mahimo diri ang alkalde.
