ILOILO CITY – Ginmandu na ni Iloilo City Mayor Jerry Treñas ang pagpatigayon sang building inspection sa syudad sang Iloilo.
Ini ang kasunod sang mandu ni Presidente Rodrigo Duterte may kaangtanan sa asud-asud nga linog sa Mindanao.
Sa interview sang Bombo Radyo kay Treñas, iya ginpahayag nga iya ginsapol ang mga nagabug-os sa City Disaster Risk Reduction Management Council kag City Engineer’s Office tuhoy sa pagpatigayon sang building inspection.
Katuyu-an sini suno kay Treñas amo nga mahibalu-an ang structural integrity sang mga building sa syudad.
Ginpahayag ni Treñas nga iya na nga ginapangitaan sang paagi agud nga mahatagan sang equipment ang City Disaster Risk Reduction Management Council sa pagpatigayon sang building inspection.
