ILOILO CITY – Ginmanduan na ni Iloilo City Mayor Jerry Treñas si Iloilo City Police Office (ICPO) Director Police Col. Kim Legada nga tutukan ang ginapahayag mga Chinese citizens nga amo ang sa likod sang ginapahayag iligal nga aktibidad sa syudad.
Ini ang kasunod man sang nangin pahayag ni Iloilo City Lone District Rep. Julienne Baronda nga may na-monitor ang National Bureau of Investigation (NBI) nga mga nga nagapatigayon indi lang sang iligal nga aktibidad kundi mangin sang mga iligal nga negosyo sa syudad.
Magluwas diri, nagpadala man ini sang sulat kay Department of Justice Secretary Jesus Crispin “Boying” Remulla agud imbestigaran ang pagdamo sang Chinese-looking individuals nga naga-istar sa mga subdivisions sa Iloilo City kag indi makahibalo maghambal sang English.
Sa interview sang Bombo Radyo kay Treñas, iya ginpahayag nga wala pa siya sang tul-id nga impormasyon natuhoy sa nasambit nga mga iligal nga aktibidad.
Suno kay Treñas, kun may yara man sang na-monitor ang NBI nga illegal operations sang mga Chinese sa Iloilo City, nagakapat nga ipadakop na ang mga ini.
Gin-athag man sang alklade nga indi mahimo mapalayag sang mga otoridad ang ila plano agud indi maapektuhan ang ila operasyon.
Ginpasigurado man ni Treñas nga sundon ang legal nga tikang sa nasambit nga isyu.
Matandaan nga sang Hulyo 24, nadakpan sang 4th Special Operations Unit sang Philippine National Police Maritime Group ang isa ka Chinese national nga amo ang sa likod sang pagbaligya sang smuggled cigarettes sa Iloilo City.
Diri kag naaresto ang Chinese national nga si James Chiu Chen, 59, residente sang Barangay Lopez Jaena Sur, La Paz, Iloilo City.
