Ginpasalamatan ni Iloilo City Mayor Jerry Treñas ang Kamara sa paghatag sang kahigayunan kay former Iloilo City Mayor Jed Patrick Mabilog sang oportunidad nga maklaro sini ang iya nga pangalan.
Sa interview sang Bombo Radyo kay Ms. Joy Fantilaga, spokesperson ni Mayor Treñas, iya ginpahayag nga nangin masako ang alkalde rason nga wala nakatutok sang maayo ang alkalde sa hearing ni Mabilog.
Suno kay Fantilaga, apisar nga wala gid natutokan sang alkalde ang nangin deliberasyon sang Quad Committee Hearing kaangot kay former Iloilo City Mayor Mabilog, i-review sini sa gihapon ang nangin dalagan sang hearing.
Gin-athag man sang natungdan nga may mga preparasyon nga ginahanda ang city government sa pagbalik sang anay alkalde sa syudad sang Iloilo.
Gintumod man ni Fantilaga ang pagpahayag ni Mayor Treñas nga ang tanan ang may kinamatarong sa “fair and just due process.”
