Ginrekomenda na ni Iloilo City Mayor Raisa Treñas si Police Colonel Wilbert Parilla nga mangin full-fledged City Director sang Iloilo City Police Office (ICPO).
Suno kay Treñas, iya ginpahayag nga ila nalang nga ginahulat ang kumpirmasyon halin sa Philippine National Police National Headquarters.
Sa interview sang Bombo Radyo kay PCOL. Wilbert Parilla, Officer-in-charge sang Iloilo City Police Office, iya ginpahayag nga iya naman nga ginapreparahan ang mga papel nga kinahanglanon antes pa ang opisyal nga seremonya.
Madumduman nga si PCOL. Parilla ang nagpungko bilang OIC matapos nga gin-relieve si PCol. Roland Bulalacao bilang Officer In Charge kag si anay ICPO Director Police Col. Kim Legada.
.){kind=link}