Ginpanginwala ni Iloilo City Mayor Jerry Treñas nga ginakuha sini ang kredito sang privatization sang Iloilo International Airport.
Sa interview sang Bombo Radyo kay Mayor Jerry Treñas, iya ginpahayag nga trabaho niya nga lantawon kag magpanguna facilitate sang mga infrastructure projects bangud siya ang chairman sang Infrastructure Development Committee (IDC) sang Regional Development Council.
Suno kay Treñas, ang proyekto ang indi iya kag ini ang ginpondohan sang gobyerno paagi sa ila nga buhis.
Gintawag man sini nga mango kag kitid-utok ang mga indibidwal nga nagapahayag nga ginaangkon niya ang proyekto.
Gintuad man sang alkalde nga bilang isa ka public servant trabaho sini nga sekyaron ang tagsa ka proyekto sang syudad.
Nagpalabtik man ini sa mga naga-claim sang kredito sa ginapatukod nga multipurpose gym sa pila ka barangay sa syudad.
