𝗜𝗟𝗢𝗜𝗟𝗢 𝗖𝗜𝗧𝗬 —Ginkumpirma ni Iloilo City Mayor Jerry Treñas nga gin-imbitahan man siya sang administrasyon agud nga magtambong sa State of the Nation Address (SONA) ni President Ferdinand Marcos, Jr. sa Batasang Pambansa sa Quezon City.
Sa interview sang Bombo Radyo kay Mayor Treñas, iya ginpahayag nga makaupod niya kuntani ang pila man ka anay mga mamalidha agud mag-attend sang tuigan nga State of the Nation Address sang presidente.
Suno kay Treñas, apisar nga may opisyal nga imbitasyon siya nga nabaton, pilion niya na lang anay nga maglantaw sa telebisyon ukon magpamati sa radyo bangud para sa iya, malawig nga tyempo ang kinahanglanon agud nga personal nga makatambong sang kahiwatan.
Ginpahayag man sini nga subaybayan na lang niya ang State of the Nation Address diri sa Iloilo City bangud makitaay man sila ni President Marcos sa adlaw sang Martes, Hulyo 23, agud nga magtambong man sang inagurasyon sang Jalaur Dam.
Nahibaluan nga sa Lunes na nga adlaw, Hulyo 22, ang State of the Nation Address sang presidente kag siya ang magapadulong sa Iloilo isa ka adlaw matapos ang kahiwatan.
