ILOILO CITY- Naka-file na sang ila Certificates of Candidacy (COC) sanday Iloilo City Mayor Jerry Treñas kag ang Team Uswag.
Kabahin sang Team Uswag amo ang masunod:
-incumbent Iloilo City Lone District Representative Julienne Baronda
-incumbent Vice Mayor Jeffrey Ganzon
-incumbent councilors Rommel Duron, Ely Estante,Frances Parcon, Alan Zaldivar,Rudolf Ganzon, Jojo Javellana
-Yara man sanday Dr. Urminico Baronda, Sedfrey Cabaluna,Punong Brgy. John Eric David, Rex Sarabia, Johnny Young kag Miguel Treñas.
Sa interview sang Bombo Radyo kay Mayor Treñas, iya ginpahayag nga ginabug-usan sang mga personalidad gikan sa nagkalain-lain nga sektor ang ila line-up.
Dugang niya, importante nga may mga bataon sa ila team upang mahanas sa patag sang serbisyo publiko.
Nahibaluan nga si City Administrator Melchor Tan amo ang nag-file sang COC sang Team Uswag.
Samtang, bangud sa pandemya, ginpahayag sang alkalde nga magapatigayon ang ila grupo sang virtual campaign kag suguran ini subong nga gab-i.
