ILOILO CITY – Luyag ni Iloilo City Mayor Jerry Trenas nga gamiton ang rapid test sa mass testing sa syudad sang Iloilo.
Sa interview sang Bombo Radyo kay Mayor Trenas, iya ginpahayag nga kun rapid test ang gamiton, indi na ini mahimo pa nga dal-on sa laboratory bangud dugo ang ginakuha sa tawo.
Sa tion nga may mag positibo sa rapid test suno sa alkalde, ini ang ipaagi gilayon sa confirmatory test.
Ang nasambit nga lihok ang may katuyuan nga ma isolate ang mga nagpositibo sa rapid test samtang nagahulat sang resulta sa confirmatory test.
Sa subong, nagaapelar gid si Mayor Trenas nga buligan ang West Visayas State University Medical Center nga ma accredit ang laboratory agud madamo nga test ang ma akomodar.
